JARDUERAK

Arloko teknikari bat hautatzeko prozedura iragartzen da

03/12/2018

2018ko azaroaren 30ean argitaratu da EHAAn Arartekoaren ebazpena, arloko teknikari bat aldi baterako hautatzeko prozedura iragartzen duena, hain zuzen. Deialdi honen bidez, arloko teknikari bat hautatu nahi da, funtsean eginkizun hau betetzeko: Arartekoaren Europako eta Nazioarteko Gaien Bulegoak (EIAD, ingeles sigla) berezko dituen jarduerekin lotutako gaiei dagokienez, txosten, azterlan eta gomendioak egiten laguntzea. Era berean, bulego horri emandako eginkizunak betetzeko asmoz eskatzen den edozein agiri prestatzen laguntzea eta kudeaketa-lanak egitea. Hautaturiko pertsonak, orobat, bulego horri em ...

GIZA ESKUBIDEEN ALDARRIKAPEN UNIBERTSALAREN URTEURRENA OSPATUKO DU ARARTEKOAK

Bilbao 29/11/2018

Abenduaren 10ean Giza Eskubideen Aldarrikapen Unibertsalaren urteurrena ospatzen dela eta, Arartekoak, Bizkaiko Abokatuen Elkargo Ohoretsuak eta Euskal Herriko Auzitegi Nagusiak Bilbon hitzaldi bat ematera gonbidatu dute Gianluca Esposito Ustelkeriaren Aurkako Estatuen Taldeko (GRECO) idazkari nagusi exekutiboa. GRECO taldea Europako Kontseiluak babestuta sortu zen, ustelkeriaren kontrako borrokan estatu kideei ezartzen zaizkien neurrien bilakaera aztertzeko. Hitzaldiak "Ustelkeria eta giza eskubideak" du izenburu eta abenduaren 12an emango da, Bizkaiko Abokatuen Elkargo Ohoretsuko ekitaldi-aretoan, 12:00etan. Hitzaldia frantsesez emango da, eta aldi berean itzuliko da gaztelaniara et ...

ARARTEKOAK DONOSTIAKO UDALARI ESKATU DIO NEURRIAK HAR DITZALA AIETEKO EREMU BATEAN TRAFIKOKO ARAU-HAUSTEA ERAGOZTEKO

Donostia-San Sebastián 26/11/2018

Donostiako Aiete pasealekuko jabeen komunitate batek esku hartzeko eskatu zion Arartekoari 2015ean, izan ere, udalak ez omen zuen ezer egiten Galtzaraberri inguruan eta supermerkatu baten parean ibilgailuak bigarren ilaran aparkatzea eragozteko. Kexaren arabera, salatutako arau-hausteek bide-zirkulazioa oztopatzen zuten eta, gainera, eragozpen akustikoak sortzen zituzten. Zehazki, haien esanean, bigarren ilaran aparkatutako ibilgailuek ez zieten ateratzen uzten behar bezala aparkatutakoei, eta zirkulatzea eragozten zieten autobusei eta beste ibilgailu astun batzuei; horiek, pasatzerik ez zeukatenez, auto-ilara luzeak sortzen zituzten eta klaxona ozenki jotzen zuten, eta horrek guztiak eragozp ...
RSS
Bikaintasunarekin konpromisoa - Compromiso con la excelencia
sello accesibilidad   sello accesibilidad