Ararteko erakundearen aurkezpena Basauriko espetxean dauden presoei

Ines Ibañez de Maeztu jarduneko Arartekoak, espetxeratuen arloko koordinatzaile eta teknikariarekin batera, Basauriko kartzelako presoei aurkeztuko die erakundea, zentroak berak programatutako jardueren barruan. Espetxeen kudeaketaren gaineko eskumena Eusko Jaurlaritzari eskualdatu ondoren, Arartekoaren langileek kexak aurkezteko prozedura eta esku hartzeko aukerak azalduko dizkiete presoei, eta ondorengo elkarrizketan sortzen diren zalantza eta galderei erantzungo diete.