EKITALDIAK
Bizkaia Aretoa Sala ChillidaIInés Ibáñez de Maeztu arartekoaren ondokoa honako mahai-inguru honetara joango da: “Gatazka-guneetan giza eskubideak urratzea”. Ramón Rubial Fundazioak antolatu du, Eusko Jaurlaritzako Justizia eta Giza Eskubideen Sailarekin elkarlanean.
Parte hartzaileak: Eider Gardiazabal Ramón Rubial Fundazioko lehendakaria, Eneko Andueza PSE-EE (PSOE)ko idazkari nagusia, Mª Jesús San José Justizia eta Giza Eskubideen sailburua, eta José Manuel Albares Espainiako Kanpo Arazoetako, Europar Batasuneko eta Lankidetzako ministro.
- Euskal Autonomia Erkidegoko Auzitegi Nagusia. Bilbo
Inés Ibáñez de Maeztu arartekoaren ondokoa, Administrazioarekiko Auzietako Salako lehendakari-kargua, Gipuzkoako Probintzia Auzitegiko lehendakari-kargua eta Arabako Probintzia Auzitegiko lehendakari-kargua hartzeko ekitaldira joango da.
- Carlton hotela. Bilbo
Inés Ibáñez de Maeztu arartekoaren ondokoa Alfredo Espinosa Orive lehen Eusko Jaurlaritzako Osasun sailburua diktadura frankistaren biktima-izaeraren aitortzeko ekitaldian izango da.
Ekitaldia Gogora Institutuak antolatu du, eta Imanol Pradales lehendakaria izango da buru. - “Isiltasunean oihuka” eskultura. Vitoria-Gasteiz
Inés Ibáñez de Maeztu Arartekoaren ondokoa, Gasteizko Udalak antolatutako Frankismoaren Biktimak Gogoratzeko eta Aitortzeko Eguna dela-eta egingo den ekitaldira joango da.
- Estrasburgo-
Arartekoak hizlari gisa parte hartuko du Herriaren defentsa-erakundeen eta giza eskubideen erakunde nazionalen goi-mailako konferentzian. Europako Kontseiluaren Ministro Batzordeko Luxenburgoko Lehendakaritzak antolatu du. Arartekoaren mintzaldia martxoaren 28an izango da, konferentziaren bigarren panelean, "Defentsa-erakundeen eta GEENen eginkizuna Zuzenbide Estatua defendatzen” izenburuarekin.
Konferentzia horretan aztertuko dira Zuzenbide Estatuak gaur egun aurre egin beharrezko erronkak eta defentsa-erakundeek eta GEENek beroriek defendatzen duten eginkizuna, baita aro digitalean erabaki publikoak hartzearekin lotutako arriskuak eta aukerak ere. Ekitaldi horren barruan hainbat lantegi ere egingo dira, defentsa-erakundeek, GEENek eta Europako Kontseiluak gai hauei buruzko ideiak truka ditzaten: Veneziako Printzipioak, Giza Eskubideen Europako Hitzarmena aplikatzea, Adimen Artifizialari buruzko Esparru Hitzarmena eta defentsa-erakundeak eta EuropakoKontseilua lankidetzan aritzeko aukerak.
- Bilbo-
Nahikari Borda Arartekoko justizia arloko teknikaria eta Itziar Barrenkua gizarte-harremanetako arduraduna jardunaldi horretara joango dira. Horren bidez, egungo sistema judizialari eta egon daitezkeen ordezko hautabideei buruz hausnartu nahi da.
Gainera, lantegi bat emango da zigortzearen alternatibez, indarkeriari eta LGTBIQ+fobiari aurre egiteko.
- Bizkaia Aretoa. Bilbo
Arartekoak, EHUko Giza Eskubideen eta Botere Publikoen Unesco Katedrarekin batera, Fabián Salvioli abokatu eta irakasle argentinarraren hitzaldi hau antolatu du, Bilboko Bizkaia Aretoan: “Giza eskubideak nazioarteko tentsio bereziko testuinguru batean”.
Salvioli jauna Giza Eskubideen eta Nazioarteko Zuzenbidearen irakaslea da La Platako Unibertsitate Nazionalean (Argentina). Nazio Batuetako Giza Eskubideen Batzordeko presidente izan zen 2009tik 2016ra, eta egia, justizia, erreparazioa eta berriz ez gertatzeko bermeak sustatzeari buruzko kontalari berezia 2024ra arte.
Palacio Yohn "La Bolsa"Inés Ibáñez de Maeztu arartekoaren ondokoa, "ROLANDO 2:15 – 2:45. 50 urte ETAren lehen sarraskia gertatu zenetik" erakusketaren irikiera ekitaldian izango da. Erakusketa Bilbora etorriko da, Memoria, Bizikidetza eta Giza Eskubideen Institutoaren -Gogora- eta Terrorismoaren Biktimen Oroimenerako Zentro Fundazioaren elkarlanari esker.
Sala BBK Gran Vía 19- BilbaoInés Ibáñez de Maeztu arartekoaren ondokoa emakumeen eta gizonen berdintasunaren aldeko Zirgari Sarien X. edizioko ekitaldira joango da.
Ekitaldi hori Bizkaiko Foru Aldundiak eta BBK Fundazioak antolatu dute, jendaurreko aitortza egin nahi baitiete emakumeen eskubideak aitortu eta sustatzeko nahiz emakumeen eta gizonen berdintasunaren alde lan egin duten pertsonei, erakundeei eta proiektuei.
ARTIUM-ARTE GARAIPIDEAREN EUSKAL MUSEOKO PLAZANInés Ibáñez de Maeztu arartekoaren ondokoa Arabako Foru Aldundiak Emakumeen Nazioarteko Eguna ospatzeko eskeiniko duen harrera ofizialean izango da.
Ekitaldiaren leloa honako hau izango da: Ez da kontatu ziguten bezala! Arabako emakumeen aztarnak historian.
