16/2003 gomendioa, maiatzaren 27ekoa

Bilbao-Bizkaia Ur Partzuergoari egina, kexagileari 64,48 euroko kopurua itzul diezaion -bere garaian gainkargu gisa ordaindua-, partzuergoak ezin baitu egiaztatu premiamendu probidentzia jakinarazi zuenik. Eta, orobat, premiamendu probidentzia guztiak hemendik aurrera jaso izanaren adierazpena duten posta ziurtatuaren bidez jakinaraz ditzan, horrela beteko baititu azaroaren 26ko 30/1992 legeak -herri administrazioen araubide juridikoari eta administrazio prozedura erkideari buruzkoak- 59. artikulutik 61.era bitartean ezarritako xedapenak. Onartu da.