Giza eskubideen adierazleak eta EESK

NBEko Giza Eskubideen Goi Ordezkariaren Kontseilu Ekonomiko eta Sozialari (ECOSOC) zuzendutako aurtengo txostenak Eskubide Ekonomiko, Sozial eta Kulturalak (EESK) inplementatzeko giza eskubideen adierazleak nola erabili aztertzen du. Txostena bost ataletan zatitzen da: 1) Giza eskubideen adierazleak zer diren azaltzen du; 2) giza eskubideen adierazleak erabiltzeko arau-oinarria ematen du; 3) metodologia argitzen du; 4) giza eskubideen egoera aztertzeko, politika publikoak garatzeko eta inplementatzeko, eta EESKen kasuetan konponketa bermatzeko giza eskubideen adierazleak nola erabil daitezkeen adibideak ematen ditu; eta bukatzeko 5) EESKen inguruan NBEko giza eskubideen mekanismoen (tratatuen organoak, Giza Eskubideen Kontseiluaren prozedura bereziak eta Aldizkako Azterketa Unibertsala) praktiken berri ematen du.